Identifikasaun Fatin Turistika

Iha distritu Ainaro mezmuke eziste fatin turismo barak- barak, maibe ami identifika fatin ne’ebe maka iha potensiai hodi atrai turista sira hodi  halao viagen, no fatin ne’ebe maka atrai ho ninia paisazen ne’ebe unik liu mak hanesan Ramelau. Ramelau hanesan foho ne’ebe a’as liu(ho 2,963 m) no lulik iha Timor, no ninia lokalizasaun iha sub Distritu Hato-Builico, inclui mos total populasaun ne’ebe maka hela iha fatin ne’ebe refere (hamotuk 11.913)  nune’e mos ho ninia paisagem ne’ebe furak tebes atu atrai turista lokal inklui mos turista internacional sira.

     Fatin ida ne’e hanesan fatin ne’ebe mai husi natureza no sagrada tebes, mai kedas ho naran ne’ebe mak konhesidu no bo’ot iha Tmor Leste, Iha dia  7 de outobro 1997 hahu ona konstrusaun hodi hari estatua nain Feto Virgen Maria iha foho tutun Ramelau,inisiativa ida ne’e mai hosi Don Carlos Filipe Ximenes Belo,no selebrasaun misa hosi Don Basilio Do Nasimentu ho Padre Norberto ne’ebe hosi paroquia Maubise,  atravez de hari’i monumentu ida ne’e, maka fatin ida ne sai mos hanesan turismo religiozu,ninia objektivo hari statua ida ne’e para Timor oan tomak bele hetan pas no stabilidade nomos atu bele hakuak Timor oan tomak hosi rai ulun to rai ikun,tasi feto to tasi mane,  ne’ebe kada tinan-tinan iha dia 7 fulan Outubro sarani sira sempre halao peregrinasaun ba fatin ida ne,maibe pas ou to iha tinan sanulu, hetan antusiasmo barak tebes hosi sarani Timor oan tomak,ne’ebe maka hatudu sira nia fé no sacrifisiu hodi halao peregrinasaun ida ne’e.

•         Acomodasaun

Iha parte ida ne ami klarifika katak hare ba parte akomodasaun eziste losmen ida hodi fasilita turista sira, hanesan fatin han ou restaurante iha sub-distrito nebe refere la iha tanba populasaun sira iha fatin ne’eba, la iha kapasidade ou kbi’it  atu hodi loke restaurante baseia ba rendimentu ne’ebe maka sira hetan sufsiente tebes,no sira mos laiha kbi’it atu kopera hamutuk ho governu  hodi dezenvolve diak liu tan fatin ne, razaun ba populasaun sira atu kopera ho governo hodi cria acomodasaun hanesan restaurante no selseluk tan, tanba Benefisiu ba sira sufsiente tebes, so bele utiliza hodi sustenta nesesidade lor-loron nian, ho ida ne mak ami so  klarifika deit ba akomodasaun nebe maka existe iha sub-distrito sira seluk mak hanesan Sub-distrito Ainaro:

•         Guest house Ramelau Fau laran

•         Restaurante Gabmenis

•         Restaurante Villa klaran

•         Guest house Villa maria

•         Guest house Lerileminexi

Sub-distrito Maubisse

•         Pauzada

•         Restaurante Sara

•         Guest house Maubisse

•         Klima no Ambiete

 

Hare ba klima iha fatin ida ne malirin tebes ho ninia temperatura iha fulan balu total mak hanesan:hosi temperatura 18,1ᵒc, maibe iha fulan juli ninia temperatura sae to masimu 22,8ᵒc to fulan dezembro,situasaun ida ne’e ita hare ba diferensa bo’ot hosi temperatura ne’ebe maka sae iha sub distritu ida ne’e.

No ninia malirin ida ne’e fresco tebes ba vizitantes sira hodi bele halo refleksaun atu hetan ar fresco,nomos saude ne’ebe diak hosi fatin ida ne’e.

No ninia ambiente iha fatin ida ne’e mos no kapas tebes,hakmatek so iha deit balada sira maka iha ambiente ne,hodi aumenta furak liu tan paisajen ida ne’e, maske la existe seguransa ne’ebe seguru,laiha ema ida atu estraga hodi halo foer fatin ne ou ta ai ruma iha fatin ne’e,tamba ambiente ida ne’e hetan seguransa tomak hosi komunida ne’ebe maka hela iha fatin ne’e,ho ninia razaun katak fatin ne’e lulik no sagrada tebes,ho ninia ambiente ida mos no furak mak fo garantia ou atrai vizitantes sira hodi halao viazen ba iha fatin ida ne’e.

• Pauzada hatu-builiko

  
  
  

Ida ne'e mak fatin pauzada ne'be lokaliza iha Postu fatu-builiko iha fatin ida kontrusaun husi guvernu, fatin ne'e iha equipamentus kompletu hanesan

• Doble room
• Single room